जोडावे विवेकी जन…

नमस्कार. हा लेख लिहित असताना आज आजूबाजूला युद्धाचे सावट आहे. अशा उन्मादी वातावरणात विवेकी लोकांचाही समूह ( खरंतर नेटवर्क )  असण्याची आवश्यकता निर्माण झालेली आहे. विवेकी लोकं सहसा समूहात राहत नाहीत. आजवर तशी आवश्यकता कधी त्यांना वाटलेली नाही. माफियांचे समूह असतात, विवेकी लोकांचे नाही. पण आता परिस्थिती तशी नाही. पुनश्च-बहुविध च्या माध्यमातून चांगल्या साहित्याचा दुवा धरून असाच विवेकसंपन्न लोकांचा समुदाय बनवण्याचा, त्यांना एकत्र आणण्याचा आपला प्रयत्न आहे.

आज बरेच दिवसांनी तुमच्याशी संपर्क साधतोय. अपेक्षा आहे तुम्ही आता पुनश्च वेबसाईट आणि पुनश्च app वरून  बहुविध च्या वेबसाईट आणि बहुविध च्या app वर शिफ्ट झाला असाल. अजूनही झाला नसलात तर लगेच व्हा. पुनश्च चे login ( username/password ) वापरून bahuvidh.com वर किंवा bahuvidh या android app वर login करा. पुनश्च चे लेख आता तुम्हाला तिथेच वाचायला मिळतील. जे वाचक बहुविध वर आले आहेत त्यांना कसं वाटतंय आता? बहुविध वर तुम्हाला विषय आणि संपादक यांचं वैविध्य मिळतंय ते आवडलं का? app वरून आता पुन्हा पुन्हा login करायला लागण्याचे प्रमाण कमी झाले आहे ना? या दोन गोष्टींबाबतचा तुमचा अनुभव नक्की कळवा. ही वेबसाईट आणि app अधिकाधिक चांगले करण्यासाठी तुमच्या अभिप्रायाचा उपयोग होईल.

गेले काही दिवस फक्त app वरून अभिप्राय देता येतात, वेबसाईट वरून अभिप्राय देता येत नाहीयेत. आपल्या डेव्हलपरच्या मते हा वर्डप्रेसशी ( ज्यावर आपली website आहे ) संबंधित प्रॉब्लेम आहे. शिवाय लेख प्रसिद्ध झाल्यावर app वर जे पूर्वी नोटिफिकेशन यायचे त्यातसुद्धा अनियमितपणा आहे. पुनश्चवर देखील सुरुवातीला हे प्रॉब्लेम होते. नंतर सर्व सुरळीत झाले होते. आता सुद्धा असेच होईल अशी अपेक्षा आहे; आणि लवकरच वेबसाईटवर अभिप्रायही देता येतील. अर्थात तोपर्यंत तुम्ही लेखाखाली असणारे लाईक चे बटन दाबू शकताच.

आता बहुविध ची साईट आणि android app झाल्यावर आपण ios म्हणजे iphone वर वापरता येणाऱ्या app वर काम सुरु केले आहे. लवकरच apple चा फोन वापरणाऱ्यांना त्यांच्या फोनवर app install करता येईल. या तिन्ही गोष्टींची तांत्रिक पूर्तता आता मार्गी लागल्यामुळे, आपण आपले लक्ष पुनश्च/दीर्घा चे सभासद जास्तीत जास्त कसे वाढतील याकडे केंद्रित केले आहे. सध्या आपले साडेतेराशे सशुल्क सभासद आहेत. हा आकडा कमीतकमी पंधरा हजार वाचकांपर्यंत वाढवायचा आहे. तस बघायला गेलो तर मराठी वाचकांचा आकडा लक्षात घेता पंधरा हजार हा काही मोठा आकडा नाही. पण अजूनही हे साडेतेराशे सभासद होताना याचा काही formula न मिळाल्यामुळे हे पंधरा हजार सभासद कसे होणार हा मोठा प्रश्न आहे. आपल्याआधी असा प्रयत्न कोणी केलेलाच नाही. बहुतेकांनी आपले साहित्य online फुकट ठेवले आहे. देणग्या, जाहिराती यावर त्यांचे उत्पन्न अवलंबून आहे. आपण मात्र चांगला उद्देश आणि व्यावसायिक दृष्टीकोन असा’ मिलाफ केल्यामुळे एकंदरीत हा साडेतेराशे ते पंधरा हजाराचा प्रवास मोठा रोचक असणार आहे हे नक्की.

त्यामुळे आता निरनिराळ्या लोकांशी भेटीगाठी चालू आहेत. त्यांचे सल्ले- कल्पना घेणे सुरु झाले आहे. करावे मनाचे हे खरे पण त्याआधी ऐकावे जनाचे हेही खरेच ना? त्यामुळे तुम्हालाही पुनश्च आणि दीर्घा दर्दी वाचकांपर्यंत पोचण्यासाठी काही अभिनव मार्ग सुचत असतील तर नक्की कळवा. या दोन्ही नियतकालिकांचा दर्जा लक्षात घेता सरसकट त्यांना वाचक मिळणे अवघड आहे हे मान्य. पण असा अभिरुची संपन्न वाचक संख्येने काही हजारात असणार हे नक्की. शिवाय तो वाचकच असेल असे नाही, तो श्रोताही असू शकतो हे ध्यानात घेऊन पुनश्च/दीर्घा चे लेख ऑडीओ स्वरुपात करण्याची पण तयारी सुरु केली आहे. आम्हाला खात्री आहे की यामुळे आपण निवडलेले हे उत्तम साहित्य जास्तीतजास्त रसिकांपर्यंत पोचेल.

पुनश्च/दीर्घा सह आपण बहुविध वर आता cinemagic, निवडक दिवाळी आणि बाल-कुमारांसाठी वयम् हे डिजिटल नियतकालिक अनुक्रमे संतोष पाठारे, मकरंद जोशी आणि शुभदा चौकर यांनी सुरु केले आहे. मार्च महिन्यात आम्ही सर्वजण तुम्हा वाचकांसाठी असेच निवडक, वाचनीय आणि बहुविविधता असणारे साहित्य घेऊन येणार आहोत. वाचकांना मिळणारा वाचनानुभव एका वेगळ्याच पातळीवर घेऊन जाण्याचा आपला प्रयत्न आहे. आपल्याला त्यात कितपत यश येतंय हे तुमच्या प्रतिसादावरून कळणार, त्यामुळे तो देण्यात अजिबात हयगय करू नका. अगदी प्रतिसाद लिहायचा कंटाळा आला असेल तरीही लेखाखाली असलेल्या like बटनावर क्लिक केलेत तर तो लेख तुम्हाला आवडलाय एवढं तरी आम्हाला कळेल. शिवाय लेख आवडला की तो whatsapp किंवा facebook च्या माध्यमातून शेअर करण्याचा पर्याय तिथेच उपलब्ध असतो. तो वापरून असे लेख तुमच्या ओळखीच्या दर्दी वाचकांपर्यंत पोचवा. पुनश्च/दीर्घा चे सभासदत्व सशुल्क असले तरीही अवांतर या नियतकालिकाचे सभासदत्व निःशुल्क आहे. त्याचे लेख शेअर कराल तर वाचक फक्त नोंदणी करून तो आणि त्यापुढील प्रसिद्ध होणारे सर्व लेख वाचू शकतील. बाकी तुमचे सल्ले आणि सूचना यांचे स्वागत आहेच…

This Post Has 13 Comments

  1. छान

  2. चांगला लेख.

  3. लेखावर तो कधी अपलोड केला त्याची तारीख हवी आणि ती इन्डेक्स वर दिसली पाहिजे

  4. नवीन वेबसाईट आवडली. युजर इंटरफेस आकर्षक आणि वापरण्यास सोपा वाटला. बहुविध सारख्या उपक्रमाला साडेतेराशेपेक्षा अधिक सभासद खचितच लाभायला हवेत. मला त्याकरिता दोन पर्याय सुचतात. पहिला म्हणजे साहित्य समेलनाद्वारे चोखंदळ वाचकांपर्यंत पोहोचणे. थोडा खर्चिक मार्ग असावा हा. दुसरं म्हणजे, परदेशात चालवल्या जाणाऱ्या महाराष्ट्र मंडलांपर्यंत ह्या उपक्रमाची माहिती पोहोचवणे. इंग्लंडमध्ये बरीच वर्षे अश्या मंडळाचा भाग म्हणून काम करताना बहुतेक वेळा उत्तम साहित्याची भूक भागावणाऱ्या तरीही फार खर्चिक नसलेल्या अश्या उपक्रमाची गरज अनेकांनी बोलून दाखवलेली आठवते.

  5. उपक्रम छान !
    मी माझा मुलगा व एका मित्राला सांगीतलेमुलगा जुळला
    पण मित्र काही सभासद झाला नाही.
    असो.
    २०० ₹ फार नाहीत
    मी दीर्घाचाही सभासद आहे बहुतेक
    एकच पासवर्ड सर्वत्र चालायला हवा
    पण धिस पासवर्ड आलरेडी ….असे म्हणून पुढे प्रोसेस होत नाही
    अगदी निशुल्क पर्यायाचीही
    मग नाद सोडला
    याबाबत काही मार्ग सुचवा
    इतके पासवर्ड लक्षात नाही राहात.मग पुन्हा समस्या येते

    1. खरंतर एकच पासवर्ड लागतो. तोही एकदाच. logout मुद्दाम केले नाही तर आपण login च राहतो. app अथवा साईट मधून बाहेर पडताना नुसते ते app किंवा site बंद करा. logout करू नका.

  6. Bahuvidh, Punanscha… sundarch. Mi aaj pasun vachyala suru karato. Pan ekun kalpanachi idea mastch. Shubhechha

  7. समतोल आणि आशादायक .
    डिजीटल माध्यमाशी गट्टी असलेला वर्ग म्हणजे वयोगट आणि सध्या आपण सादर करत असलेलं साहित्य याचा संधा जुळायला वेळ लागणं स्वाभाविक आहे. पण हा सांधा जुळला की मग या उपक्रमाचा प्रतिसाद नक्की अपेक्षेपेक्षा जास्त असेल .

  8. वास्तव लिहीलेत.
    काही काळजी करू नका.
    हळू हळू प्रगती होईलच.
    धीर धरा.
    आम्ही वाचक आपल्या पाठीशी आहोतच.
    ऑल दि बेस्ट.

  9. सर, मराठी वाचक हा चोखंदळ आहे. पण सुजाण व मॅच्युअर कंन्टेन्ट वाचणारा वर्ग तुलनेने कमी आहे. हे कबूल असेल तर कंन्टेन्टचा आताचा जो बाज आहे तो तडजोड न करता तसाच पुढे चालू ठेवणे आणि आकर्षक व आक्रमक जाहिरात करणे ह्याने आपला वाचकवर्ग वाढवता येऊ शकेल.बाकी पुनश्च ते बहुविध हा प्रवास खाचखळग्यांविरहित झाला आणि इथे बांगलादेशात देखील मी माझी वाचनाची भूक शमवू शकतो…हेही नसे थोडके. मनःपूर्वक शुभेच्छा!

  10. सदस्यत्व मिळाल्यापासून सर्व लेख वाचून काढले आहेत. हल्ली Watchक वाढलेत आणि वाचक कमी झाले आहेत. माझ्या वर्गातील सगळ्या मित्राना बहुविध बद्दल जेव्हा सांगतो तेव्हा ते मला म्हणतात की एवढं वाचायला वेळ कुठे आहे आम्हाला? हॅशटॅग Mass Mediaचे विध्यार्थी. त्यापेक्षा एखादा चित्रपट किंवा Webseries पाहण्याकडे अधिक कल. आमच्या महाविद्यालयाच्या ग्रंथालयात अक्षरवैदर्भी ,केल्याने भाषांतर, मुक्त शब्द, मराठी साहित्य संशोधन पत्रिका अशी अनेक मासिके आणि त्रैमासिक येत असतात पण त्यांच्याकडे शिक्षकांशिवाय कोणी ढुंकूनही पाहत नाही. 😔😔

    1. watchक शब्द आवडला. पण पूर्वीही वाचक कमीच असणार. आताही तो कमीच आहे. पण जो आहे त्याच्यापर्यंत पोचायला हवं.

Leave a Reply

Close Menu