विंदांच्या शैलीत तंबीचा रिमिक्स

पुनश्च    तंबी दुराई    2019-04-11 06:00:33   

सब घोडे बारा टक्के- रीमिक्स देशाची सूत्रे कोणी सांभाळावी याबाबत आपली आग्रही राजकीय मते असतात आणि आपण त्यानुसारच मतदान करतो. परंतु राजकीय विचार असणे, राजकीय मत असणे, याचा अर्थ देशात आकाराला आलेल्या सार्वत्रिक,सर्वपक्षीय राजकीय संस्कृतीला दुजोरा देणे नसते. ही विचारसरणी काळाच्या ओघात जन्माला आलेली आहे असे आपल्याला उगाचच वाटत असते. प्रत्यक्षात ती कायमच होती, अन्यथा विंदांनी १९५० च्या सुमारास ‘ सब घोडे बारा टक्के’ ही कविता केली नसती आणि ती एवढी वर्षे टिकली नसती. विंदांच्या जन्मदिनानिमित्त त्या  कवितेचे स्मरण आणि तिच्याबद्दचा आदर त्याच कवितेचा मुखडा उसना घेऊन आणि त्याच साच्यात करण्याचा हा प्रयत्न खास बहुविधच्या वाचकांसाठी- तंबी दुराई जितकी खोकी तितकी मते जितकी झाडे तितकी भूते कोणी मूळचा, कोणी आलेला कोणी शुद्धीत, कोणी प्यालेला कोणी ट्रोलर, कोणी झोलर कोणी दाता, कोणी बेगर देती बुक्के, खाती धक्के सब घोडे बारा टक्के! रोज रोज नव्या थापा याला ठेचा, त्याला कापा कोणी एजेड, कोणी यंगं कोणी शेपूट, कोणी शिंगं ते तरी काय करणार? हे तरी काय करणार? त्याच त्याच बटनावर पुन्हा पुन्हा तेच बोट तेच आरोप, तेच ठपके सब घोडे बारा टक्के इकडे मेव्हणा, तिकडे साळी इकडे बाळ्या, तिकडे बाळी ज्याची सत्ता, त्याला हप्ता इकडे शर्मा, तिकडे गुप्ता तीच पाठ, तोच मार तोच सुरा, तीच धार तेच पाणी, तेच हबके सब घोडे बारा टक्के सब घोडे, स्वार कमी जखमा खूप, मार कमी खोक्यावरचे झाकण तरी उघडून दाखव, माझ्या हरी कोणी तरी, खरे बोला भले सांगून, हाणा टोला भ्रमापेक्षा सत्य बरे श्रमापेक्षा हाल बरे कोणी गुडगुड्या, कोणी हुक्के सब घोडे, बारा टक्के -----तंब ...

हा लेख पूर्ण वाचायचा आहे? सोपं आहे. एकतर * चाचणी सभासदत्व !*' घ्या किंवा आपण विद्यमान सभासद असाल तर कृपया लॉगिन करा .


तंबी दुराई , अवांतर , विडंबन , मुक्तस्त्रोत

प्रतिक्रिया

  1. prithvithakur1

      9 महिन्यांपूर्वी

    तंबी हे आजचे दत्तू बांदेकर आहेत. अप्रतिम. बेजोड!

  2. [email protected]

      9 महिन्यांपूर्वी

    गेले छक्के आले पक्के कामासाठी घेती टक्के पाऊल नवे तीच वहाण अक्कल सारी ठेवून गहाण विकला जरी आमचाच देश नवीन राजे जुनाच वेष सोडून रहा जरा हटके राजे ते आपण भटके सब गधे बारा टक्के.

  3. mahapokharan

      9 महिन्यांपूर्वी

    मस्त!

  4. [email protected]

      9 महिन्यांपूर्वी

    दोन्ही कविता सुंदर

  5. [email protected]

      9 महिन्यांपूर्वी

    सब घोडे बारा टक्के..विं.दा.नी जेवढे मार्मिक लिहिले आहे..आणि आजही ते तेवढेच ताजे टवटवीत वाटते..म्हणजे वातावरणात किंचित बदल झाला नाही..याची खंत विंदानाही वाटायची आणि ते म्हणत..ही कविता मरत का नाही.? सकारात्मक बदल अपेक्षित होते, ते आजही दिसत नाहीत.. आणि तंबी दुराईचे विडंबन तेवढेच अफलातून.!

  6. sravindra2002

      9 महिन्यांपूर्वी

    दोन्ही सुंदर!

  7. bookworm

      2 वर्षांपूर्वी

    मार्मिक व चपखल!

  8. arvindjadhav

      2 वर्षांपूर्वी

    छानच

  9. amolss

      3 वर्षांपूर्वी

    Same situation after so many years

  10. Dravimagare

      3 वर्षांपूर्वी

    मूळ कवितेसारखी हुबेहूब

  11. Makarand_Joshi

      3 वर्षांपूर्वी

    मस्त जमलेय.



वाचण्यासारखे अजून काही ...