विनोद समजणे आणि समजून घेणे हे इतर कोणताही साहित्यप्रकार समजून घेण्यापेक्षा अवघड असते कारण संदर्भ माहिती असल्याशिवाय विनोद कळत नाही. समाज बदलतो, परिस्थिती बदलते तेव्हा अनेकदा त्या विनोदात 'काय विनोद आहे' असा प्रश्न पडू शकतो. टेलिफोन म्हणजे आजच्या भाषेत लँडलाईन फोन, घरी येणे हा जेव्हा कपिलाषष्टीचा योग समजला जायचा त्या काळी या विषयावर अमाप विनोदी लेखन झाले. आजचा लेख हा त्यातलाच एक फर्मास नमुना आहे. श्रीराम हळबे यांनी हा लेख १९८० लिहिला होता. तसा हा फार मागचा काळ नसला तरी आता त्याला चाळीस वर्षे होत आली आहेत...या चाळीस वर्षात फोनची कन्सेप्ट आणि फोनची उपलबद्धता यात किती क्रांती झाली याची कल्पनाही आपल्याला येईल.. ********** आपल्या घरी टेलिफोन नसतो, तेव्हा कधी कधी वाटते की टेलिफोन ही फार उपयुक्त गोष्ट आहे. १५ वर्षांपूर्वी असही वाटे की आपल्याकडे टेलिफोन असणं हे एक ‘प्रतिष्ठेचं’ प्रतीक आहे. निदान पोकळ श्रीमंतीचे! मला आठवते की, जवळजवळ १२/१३ वर्षांपूर्वी आमच्या घरी वाजतगाजत टेलिफोन आला. वाजतगाजत म्हणण्याचा उद्देश इतकाच की आजूबाजूच्या रहिवाशांच्या दृष्टीने, ज्याप्रमाणे मंगलमूर्तीच्या आगमनाची तयारी बहुतेक शेजारची बालगोपाल मंडळी करते त्याप्रमाणेच, आमच्या घरी टेलिफोनची ‘प्राणप्रतिष्ठा’ करण्यात आली. बहुतेक बिल्डिंगच दरवाजाजवळ जमली होती. छोट्या मंडळींना दिवाळी-दसऱ्याच्या सणाचीच आठवण होत होती. कोण काय बोलत आहे ते आवाजाच्या दिवाळीमुळे कुणालाच समजत नव्हते. अखेर तो सोहळा चहा-चिवडा घेऊन संपला. टेलिफोन व्यवस्थित चालला आहे की नाही याची खात्री पहिल्याच दिवशी पाच मिनिटांनी वरच्या मजल्यावरील ‘व्यकंटरामन्’ने केली. त्याचा गॅस गेला होता व सिलिंडर मागविण्यासाठी त्याने आमच्याकडू ...
हा लेख पूर्ण वाचायचा आहे? सोपं आहे. एकतर * सभासदत्व !*' घ्या किंवा आपण विद्यमान सभासद असाल तर कृपया लॉगिन करा .
विनोद
, किर्लोस्कर
, पुनश्च
, श्रीराम हळबे
and then add to homescreen
[email protected]
5 वर्षांपूर्वीलेख छान लिहिला आहे. ज्यांचा टेलिफोन नंबर केअर ऑफ म्हणून दिला जात असे ते घर डॉकटर, वकील यांच्या इतकेच विश्वसनीय असायचे कितीतरी calls वरील बोलणे हे कायम गुपितच ठेवले जायचे.
ulhas
5 वर्षांपूर्वीजनरल कोटा व ओ वाय टी कोटा असे दोन प्रकार होते. ओ वाय टी तून फोन घेणारा स्वतःला VIP समजत असे.
bookworm
5 वर्षांपूर्वीमस्त, जुन्या आठवणी जाग्या झाल्या!
ajitpatankar
5 वर्षांपूर्वीखरंच, त्या काळात घरी टेलिफोन असणे म्हणजे विकतचे दुखणे होते.......
SubhashNaik
5 वर्षांपूर्वीलेख रंजक व उद्बोधक आहे, कालबाह्य म्हणावे तर आजही मोबाईलवर बोलणाऱ्यांची विषय तेच आहेत. मोबाईलने आख्ख्या पिढीला वेड लागले आहे.