शब्दमल्हार

वाचन संस्कृती क्षीण होत चालली, अशी ओरड सर्वत्र होत असताना असे वाटले की, वाचन हे आपले सामर्थ्य आहे आणि तेच आपण गमावून बसलो तर काय होणार? जे व्हायला नको तेच होणार. मग काय करायला हवे, तर वाचनासाठी, वाचकांसाठी चांगले नियतकालिक काढायला हवे. चांगल्या वाचकांचा शोध घेण्याबरोबरच त्यांच्याकडून लिहून घेतले पाहिजेे. जे अभ्यासपूर्ण लिहिताहेत त्यांच्यापर्यंत पोहोचून ते छापले पाहिजेे आणि समृद्ध वाचक, व्यासंगी वाचक तयार करण्यासाठी आपणच प्रयत्न करायला हवेत. नकारात्मक ओरडणार्‍यांच्या आवाजात आवाज मिळवण्यापेक्षा त्यांची ओरड कमी होईल, असे आपण काय करू शकतो या विचारातूनच ‘शब्दमल्हार’ प्रकाशनाच्यावतीने ‘शब्दमल्हार’ हे मासिक सुरू झाले. ‘आपल्या सामर्थ्यासह, आपल्या कल्याणासाठी’ हे ब्रीदवाक्य घेऊन फेब्रुवारी 2018 मध्ये ‘शब्दमल्हार’ हे मासिक मराठीतील ज्येष्ठ लेखिका डॉ. अरुणा ढेरे यांच्या हस्ते प्रकाशित झाले. त्यावेळी ख्यातकीर्त दिग्दर्शक राजदत्त, लेखिका वीणा देव, गायिका अनुराधा मराठे आणि अभिनेते डॉ.गिरीश ओक यांची विशेष उपस्थिती होती. त्यानंतर ‘शब्दमल्हार’ने वेगवेगळ्या उपक्रमांतून मासिक सर्वांपर्यंत पोहोचवण्याचा प्रयत्न चालवला आहे. साहित्याबरोबरच इतर सर्व कलांना बरोबर घेत त्यावरचे विचारमंथन आणि चिंतन वैविध्यपूर्ण लेखांद्वारा आजवर ‘शब्दमल्हार’मध्ये प्रकाशित झाले आहे. सर्व कलांचा आंतरसंबध शोधण्याचा आणि ती वीण घट्ट करण्याचा प्रयत्न या मासिकाद्वारे चालविला जातो.

शब्दमल्हार नियतकालिकातील लेखसंग्रह..

बहुविध.कॉम

आम्ही आहोत साहित्य व्यवहारातले ‘शबरी’!
तुम्हाला शबरीची बोरे माहिती आहेतच. बोरे चाखून, त्यातली जी उत्तम होती ती शबरीने श्रीरामाला अर्पण केली होती. त्याच धर्तीवर “बहुविध डॉट कॉम” या उपक्रमाद्वारे साहित्य व्यवहारातील शबरीची भूमिका आम्ही करत आहोत. त्याच निष्ठेने उत्तमातलेही उत्तम साहित्य तुमच्यापर्यंत पोचवण्यासाठी आम्ही प्रयत्नशील आहोत. साहित्याची निवड करताना सर्व प्रकारचा रसास्वाद मिळून तुमचे साहित्यिक भावविश्व कसे समृद्ध होइल हे आम्ही काळजीपूर्वक पाहतो. नव्या काळाशी सांधा जोडत हा सगळा व्यवहार आम्ही डिजिटल प्लॅटफॉर्मवर करत आहोत. म्हणजे वाचण्यासाठी तर आहेच, ऐकण्यासाठी आणि पाहण्यासाठी देखील कसदार कंटेंट इथे मिळत राहणार आहे. बोरे जशी विविध प्रकारांची,रंगांची, आकारांची असतात तसेच साहित्यही बहुधांगी असते. मराठी भाषेत गेल्या शे-दीडशे वर्षात हजारो लेखकांनी, अनेक विषयांवर साहित्य निर्मिती केली आहे. त्यातले कसदार साहित्य निवडून ‘पुनश्च’ अंतर्गत या डिजिटल व्यासपीठावरुन देत आहोत. त्याशिवाय चित्रपटविषयक दर्जेदार ‘रूपवाणी’, साहित्य व्यवहारातील मानाचे पान ‘ललित’ मासिक, बाल-कुमारांचे उत्तम मनोरंजन करणारे ‘वयम्’, भाषेचा चहुअंगी वेध घेणारे ‘मराठी प्रथम्’ अशा विविध नियतकालिकांच्या रूपात ही बहुविविधता दिसेल.

अतिरिक्त माहिती

आपण जर का या व्यासपीठावरील कोणत्याही साहित्यामुळे नाराज झाला असाल अगर आपल्या भावना दुखावल्या असतील तर editor@bahuvidh.com या मेल आयडीवर लगेच संपर्क साधा.