डोक्यावर हेल्मेट, अंगात सायकल सूट, सायकलला लागलेला लुकलुकणारा दिवा आणि हातात हॅंड ग्लोव्ज अशी माणसे हल्ली सकाळी सकाळी आपल्याला दिसतात. हेच दृश्य एकदा मलाही दिसले आणि मग माझे त्याविषयाबद्दल कुतूहल वाढत गेले आणि मी ठरवले की आता ह्या विषयाचा अभ्यास सुरु करायचा. मग वेगवेगळ्या पोस्ट वाचल्या. अशी माणसे दिसली की त्याना थांबवून माहीती गोळा करायला सुरुवात केली, आणि सध्या उपलब्ध असलेल्या इंटरनेटच्या माध्यमातून माहीती गोळा करायला सुरुवात केली, पण ही मिळालेली माहीती विशेष मोठी नव्हती आणि त्यात फार काही दम नव्हता. मग असे ठरविले की आता आपण स्वत: सायकल घ्यायची आणि आपण पण सायकल चालवणे सुरु करायचे. तेव्हा खिशात ५०००/- रुपये घेऊन मी एका सायकलच्या दुकानात प्रवेश केला आणि ३५००/-रुपयाची पहीली सायकल घेउन आलो. त्यावेळी रोज सायकल चालवायची, जवळच्या जवळ जायला सायकल चालवत जायचे असेही ठरले आणि त्याप्रमाणे ते सुरुही झाले. २- ३ दिवस खूप उत्साह होता व नंतर ८-१५ दिवसात तो उत्साह मावळलाही. मग ऑफिसमधल्या एका मुलाला ती सायकल देऊन टाकली आणि पुन्हा आपल्याला काही सायकल चालवायला वेळ मिळणार नाही असे ठरवून हे प्रकरण इथेच बंद करुन टाकलं. [caption id="attachment_7219" align="alignright" width="300"]ordinary cycle[/caption] पण मनात कुठेतरी नैराश्य होत की ते लोक करु शकतात मग आपण का नाही? त्याना कामं नाहीत का? त्याना घर संसार नाही का? त्याना अडचणी नाही का? ते पण आपल्यासारखे सामान्य आहेत आणि त्यांनाही ह्या सगळ्या अडचणी आहेतच ...
हा लेख पूर्ण वाचायचा आहे? सोपं आहे. एकतर * सभासदत्व !*' घ्या किंवा आपण विद्यमान सभासद असाल तर कृपया लॉगिन करा .
and then add to homescreen