तसं नागपूरातही माझं एक घर आहे. माझं म्हणजे पशाचं. मी ते माझंच समजतो. मी आणि पशा. रूपा. म्हणजे रूम पार्टनर. चार वर्ष आम्ही ईन्जीनिअरींगला बरोबर होतो. छान सूर जुळले. आयुष्यभरासाठी. तसं पशाही म्हणतो. माझंही पुण्यात एक घर आहे. होय बाबा ,तुझंच आहे. पाच वर्षापूर्वी मी माझं घर बदललं. मी राहतो नारायण पेठेत. केळकर रस्ता. रमणबाग चौकात. नवीन घराचा पत्ता सांगितला अन् पशा जाम खुष. "टाॅप लोकेशन." म्हणलं ,पशा तुला माहित्येय ? अरे बाबा , न्यू ईन्ग्लीश स्कूल , रमणबाग. संगीतपंढरी. चला माझी सोय झाली. गेली पंधरा वर्ष पशा आणि बागेश्री डिसेंबरात पुण्यात येतात. थेट नागपूरहून. न चुकता. दर वर्षी. सवाई गंधर्वसाठी. पशाला संगीतातलं काही कळतं ? इंजिनिअरींगला असेपर्यंत तर बिलकुल नाही. नंतर मात्र.. हं.. बागेश्रीशी त्याचं लग्न झालं. आणि पशाचा कानसेन झाला. बागेश्री .. संगीत अलंकार. संगीत जगणारी. "कोमकली म्युझिक " ची डायरेक्टर. गाण्याचे क्लासेस घ्यायची. तिकडे नागपूरात. मला तर वाटायचं, ती पशाशी भांडत असेल, तर ते सुद्धा सुरात असेल. ताल सांभाळून. लय बिघडू न देता. तशी ती दोघं बिलकुल भांडायची नाहीत. एखाद्या तीर्थक्षेत्री जावं तशी ती दोघं पुण्यात येतात. मी रात्री अपरात्री त्यांना, रमणबागेतून गाडीत घालून घरी आणायचो. गेली पाच वर्ष तेही नाही. समोर तर आहे. चालत जातात आणि चालत येतात. संगीताशी आपलं कधी मैत्र जुळलंच नाही. सगळी रागदारी आपल्याला सारखीच. हा साला पशा ... माझ्यासारखाच ढं होता. फिल्मी गाणी ऐकायचो. आणि हास्टेलभर खिंकाळायचो. सूर, ताल,लय काहीही घेणंदेणं नाही. आपल्याच नादात . त्या भिंती बिचार्या अंबुजानं बांधलेल्या, म्हणून टिकल्या. नाहीतर ह्रदयी भेग ...
हा लेख पूर्ण वाचायचा आहे? सोपं आहे. एकतर * सभासदत्व !*' घ्या किंवा आपण विद्यमान सभासद असाल तर कृपया लॉगिन करा .
ललित
, फेसबुक
, मुक्तस्त्रोत
and then add to homescreen