तुम्ही आतापर्यंत ज्यांची पुस्तके वाचून त्यांचा फडशा पाडला असेल, ‘राधाचं घर’, ‘यशच्या गोष्टी’ ‘बाबांच्या मिश्या’ अशा अनेक पुस्तकांशी गट्टी जमवली असेल, त्या लेखिका माधुरी पुरंदरे. साहित्य अकादमी पुरस्कारासह अनेक पुरस्कारांनी सन्मानित झालेली ही मोठ्ठी लेखिका प्राधान्याने लहान मुलांसाठी लिहिते.
एका गावात एक भांड्यांचा व्यापारी राहत होता. घरातच त्याचं दुकानही होतं. त्याचा व्यापार एकंदरीत चांगला चाललेला होता, कुठल्या गोष्टीची ददात नव्हती. तरीही तो खूश नव्हता. त्याच्या नाखुशीचं कारण होता, त्याचा शेजारी. खरं तर तो शेजारी म्हणजे एक साधाभोळा आणि सरळमार्गी इसम होता. गावातल्या कुणाशीही, अगदी ह्या भांड्यांच्या व्यापार्‍याशीही त्याचं भांडण नव्हतं. आपण बरे, आपलं काम बरं, आणि हो, आपलं गाढव बरं, असं त्याचं वागणं होतं. त्याच्याकडे खरंच एक गाढव होतं : चांगलं धष्टपुष्ट, गुटगुटीत आणि छान, गोंडस दिसणारं. अनेक प्रदर्शनांमध्ये आणि स्पर्धांमध्ये ह्या गाढवानं आपल्या मालकाला बरीच बक्षिसं आणि नावलौकिक मिळवून दिला होता. परगावाहूनही लोक मुद्दाम हे गाढव बघायला येत. नेमकं हेच त्या भांड्यांच्या व्यापार्‍याला खुपत होतं. निव्वळ मत्सर, बाकी काही नाही. ह्या मत्सरापोटीच आपल्या शेजार्‍याचं तळपट व्हावं, अशी इच्छा तो मनातल्या मनात करत असे. मनातल्या मनातच त्यानं अनेक कारस्थानंही शिजवली, पण प्रत्यक्षात काही करणं जमेना. अखेर, एक दिवस त्यानं संधी साधली. शेजारी आपल्या गाढवाला घेऊन फिरायला गेलेला असताना, व्यापारी गुपचूप त्याच्या तबेल्यात शिरला. तिथे एका मोठ्या घमेल्यात गाढवाचं खाणं तयार करून ठेवलेलं होतं. व्यापार्‍यानं एका विषारी वनस्पतीचा ...
हा लेख पूर्ण वाचायचा आहे? सोपं आहे. एकतर * सभासदत्व !*' घ्या किंवा आपण विद्यमान सभासद असाल तर कृपया लॉगिन करा .
and then add to homescreen