आरोग्य-भुवनाचे हेतु, आरोग्य-भुवनाचे चाललेले कार्य व इतर आरोग्यविषयक माहिती यांचा परिचय करून देण्याकरिता आरोग्य-भुवनाचे म्हणून एक मासिक काढण्याचा विचार पुष्कळ दिवसांचा होता. परंतु त्याला अनेक अडचणींमुळे मूर्तस्वरूप देण्याचा योग आजपर्यंत आला नाही. प्राविण्याचे संपादक श्री. ताम्हणकर यांजपाशी याबाबतीत विचारविनिमय करीत असता त्यांनी प्राविण्याचीच दोन पाने वरील कार्यासाठी उपयोगात आणण्याचे सुचविले व त्याप्रमाणे ती चालू महिन्यापासूनच देण्याचे अभिवचन देऊन नियोजित कार्याला मूर्तस्वरूप देण्याचा एक जलद व सोपा मार्ग दाखविला याबद्दल त्यांचे आभार मानावे तेवढे थोडेच आहेत. स्वतंत्र मासिकाने निरनिराळ्या प्रकारे येणारी स्वतंत्र जबाबदारी या योजनेने कमी होणार असून नियमित गोष्टींकडे लक्ष देणे जास्त सुलभ होणार आहे. तेव्हा या अनपेक्षितपणे प्राप्त झालेल्या संधीचा फायदा घेऊन आपले उद्दिष्ट कार्य साधणे जास्त फायदेशीर होणार आहे. आज प्रथम आरोग्य भुवनाची स्थापना व त्याच्या कार्याचा प्रचार कसकसा होत गेला यासंबंधीच माहिती देण्याचा विचार आहे. अंक- प्राविण्य; वर्ष- १९३० आरोग्य भुवनाची स्थापना ता. ४ मार्च १९२६ रोजी होऊन गिरगाव रस्त्यावर मोहन बिल्डिंग समोरील एका लहानशा जागेत दुकानाला सुरुवात झाली. त्या वेळचे पहिले हस्तपत्रक विशेष उपयुक्त असल्यामुळे ते पुढे देत आहे. १. मुंबईसारख्या शहरात आरोग्य रक्षणाचा प्रश्न फारच बिकट होऊन बसला आहे. २. आरोग्याचा नाश होत चालल्यामुळे राष्ट्रीय आपत्तींना तोंड देणे अशक्य झाले आहे. ३. आरोग्य नाशाचे मोठे कारण म्हणजे शुद्ध व निर्भेळ दूधदुभत्याचे पदार्थांचा व्हावा तितका पुरवठा होत नाही हे होय. ४. ...
हा लेख पूर्ण वाचायचा आहे? सोपं आहे. एकतर * सभासदत्व !*' घ्या किंवा आपण विद्यमान सभासद असाल तर कृपया लॉगिन करा .
and then add to homescreen
6 वर्षांपूर्वी
During my seven years of stay in Mumbapuri I have enjoyed diverse delicious dishes and tasty juices and drins at most of the places mentioned! For a bachelor like me indeed Mumbai was a heavenly place! What pains me most is many of the Marathi eateries have closed down even in Dadar and Girgaum leave aside those like Tambe's near Bank Street in the Fort area!
rakshedevendra
6 वर्षांपूर्वीहोक्का, आम्हाला माहित नव्हते बुव्वा :)
किरण भिडे
6 वर्षांपूर्वीअसं ऐकून आहोत की ठाण्यात एक मेतकुट नावाचे हॉटेल आहे तिथे मराठमोळे पदार्थ बरे मिळतात. बघा...:-)
सुधन्वा कुलकर्णी
6 वर्षांपूर्वीही सगळी नावं आणि वर्णन वाचूनच तोंडाला पाणी सुटलं हो ... :)
ajitpatankar
6 वर्षांपूर्वीफार जुन्या काळातील लेख आहे.. स्मरणरंजनात गुंगून गेलो.. तांबे आरोग्य भवन, वेलणकरांचे छत्रे कोल्हापुरी चिवडा, कोना हॉटेल, पणशीकर, बाबुराव पुरोहित, प्रकाश, सांडू, वीरकर आहार भवन, केळकर हॉटेल, मॉडर्न, कुलकर्णी ..... किती नावे घ्यायची... शिवाय कामतांचे गोविंदाश्रम , उडप्याचे राजा रेस्टॉरंट, इराण्यांची व्हॉइस ऑफ इंडिया सारखी अनेक हॉटेल्स.. ग्रांट रोडचे मेरवान.. काय काय वर्णन करावे.. गिरगावकर असल्याने या सर्व हॉटेल मधील पदार्थांचा पूरेपर आनंद घेतला आहे. सर्वच पदार्थ उत्कृष्ट.. तरीदेखील काही पदार्थ ही प्रत्येकाची खासियत.. तांबेंची ओल्या काजूंची उसळ, वेलणकरां कडील चिवडा, तेलपोळी, डाळींबी उसळ, कोना किंवा मॉडर्नचा खरवस, प्रकाशचा साबुदाणा वाडा, बटाटा पुरी, पियुष, पणशीकरांची दुधीवडी,आम्रखंड, बाबुराव पुरोहितांचे श्रीखंड, सांडूंची उपवासाची मिसळ, उपवासाचा बटाटा वाडा, कुलकर्णी यांची बटाटा भजी. वीरकरांची भोजन थाळी,.. अहाहा... गेले ते दिवस...