गुलाबी तिकिटाची गुंडाळी आणि बिड्यांचा, धुराचा वास


एकपडदा चित्रपटगृहे काळाच्या रेट्यामुले धडाधड बंद पडत आहेत आणि आता प्रक्रिया थोपविता येणारही नाही. परंतु एकेकाळी याच चित्रपटगृहांनी चित्रपटांची रंगीत अनोखी दुनिया दाखवली, आपलं बालपण, तारूण्य घडवलं-बिघडवलं. त्या स्मृतींना अर्पण केलेला कथालेखक, अनुवादक आणि चित्रपटप्रेमी मधुकर धर्मापुरीकर यांचा हा लेख- ............................................................................. गुलाबी तिकिटाची गुंडाळी आणि बिड्यांचा, धुराचा वास... पुनवेच्या चंद्राचा अर्थ माहित नव्हता, तेव्हा ‘चौदहवी का चांद’ पाहिला होता, तो आईसोबत. थिएटरमध्ये त्यावेळी ‘जनाना क्लास’ असायचा. मागच्या बाजूला भिंत टाकून एक बाजू जनाना क्लासची, तर एक बाजू खुर्च्यांच्या क्लासची; पुरूषांची. सिनेमा सुरू झाला, की कुणी बाई धुणे वाळत घालताना जावी, तशी दोरीवरून सर्रकन पडदा ओढायची. डोळ्यांसमोर दिसायचं ते प्रकाशमान जग, बस्स काही नाही. पुढे, शाळा बुडवून सिनेमाला जायचे दिवस आले, त्यावेळी त्या प्रकाशाच्या पडद्यासमोर फरशीवर मांडी घालून सिनेमा बघायची सवय. एक मित्र होता, तो हातात पुस्तक घेऊन यायचा आमच्यासोबत. फरशीवर बसायचा नाही, तो बसायचा एक्झिटच्या दाराच्या पायरीवर, नाहीतर बंद खिडकीत. सिनेमा सुरू व्हायच्या आधी लाईट असायचे, त्या लाईटमध्ये त्याचा ‘आभ्यास’चालायचा- विक्षिप्तासारखा चेहरा करून वाचायचा, आम्ही किंचाळणार्‍या गाण्यांसारखे दाटीवाटीने बसलेले. पुढे, त्याच फरशीच्या क्लासमध्ये बाकं आली. नवीन सिनेमाची ती झुंबड. पावसापाण्याला-उन्हाला न जुमानणारी, या गर्दीत चेमदून गेलो. गच्च मुठीत गुलाबी तिकीटाची गुंडाळी डोअर किपरच्या हवाली केली, की जिंकलेल्या चेहर्‍याने धडाधड बाकं गाठायचे, जागा गाठायच्या. असा सिनेमा सुटल्यावर परतताना डोक्या ...

हा लेख पूर्ण वाचायचा आहे? सोपं आहे. एकतर ‘रुपवाणी’ चे सभासदत्व* घ्या. किंवा '*मोफत चाचणी सभासदत्व !*' घ्या.



प्रतिक्रिया

  1. asmitaphadke

      2 वर्षांपूर्वी

    Nice article !



वाचण्यासारखे अजून काही ...

बहुविध.कॉम

आम्ही आहोत साहित्य व्यवहारातले ‘शबरी’!
तुम्हाला शबरीची बोरे माहिती आहेतच. बोरे चाखून, त्यातली जी उत्तम होती ती शबरीने श्रीरामाला अर्पण केली होती. त्याच धर्तीवर “बहुविध डॉट कॉम” या उपक्रमाद्वारे साहित्य व्यवहारातील शबरीची भूमिका आम्ही करत आहोत. त्याच निष्ठेने उत्तमातलेही उत्तम साहित्य तुमच्यापर्यंत पोचवण्यासाठी आम्ही प्रयत्नशील आहोत. साहित्याची निवड करताना सर्व प्रकारचा रसास्वाद मिळून तुमचे साहित्यिक भावविश्व कसे समृद्ध होइल हे आम्ही काळजीपूर्वक पाहतो. नव्या काळाशी सांधा जोडत हा सगळा व्यवहार आम्ही डिजिटल प्लॅटफॉर्मवर करत आहोत. म्हणजे वाचण्यासाठी तर आहेच, ऐकण्यासाठी आणि पाहण्यासाठी देखील कसदार कंटेंट इथे मिळत राहणार आहे. बोरे जशी विविध प्रकारांची,रंगांची, आकारांची असतात तसेच साहित्यही बहुधांगी असते. मराठी भाषेत गेल्या शे-दीडशे वर्षात हजारो लेखकांनी, अनेक विषयांवर साहित्य निर्मिती केली आहे. त्यातले कसदार साहित्य निवडून ‘पुनश्च’ अंतर्गत या डिजिटल व्यासपीठावरुन देत आहोत. त्याशिवाय चित्रपटविषयक दर्जेदार ‘रूपवाणी’, साहित्य व्यवहारातील मानाचे पान ‘ललित’ मासिक, बाल-कुमारांचे उत्तम मनोरंजन करणारे ‘वयम्’, भाषेचा चहुअंगी वेध घेणारे ‘मराठी प्रथम्’ अशा विविध नियतकालिकांच्या रूपात ही बहुविविधता दिसेल.

अतिरिक्त माहिती

आपण जर का या व्यासपीठावरील कोणत्याही साहित्यामुळे नाराज झाला असाल अगर आपल्या भावना दुखावल्या असतील तर editor@bahuvidh.com या मेल आयडीवर लगेच संपर्क साधा.