अंक : ललित, सप्टेंबर २०२० सदर : झारा आणि सराटा काही प्रकाशक फारच दक्ष असतात. त्यातही ‘राजहंस’वाले माजगावकर अधिकच दक्ष असतात. पण दक्ष दक्ष म्हणजे तरी किती दक्ष असावे माणसाने? करोना आपले हातपाय देशभरात पसरतच होता, तेवढ्यात राजहंसनं करोनावरचं पुस्तक बाजारात आणलंसुद्धा. एवढ्या तातडीनं माजगावकरांनी आपली दखल घेतली हे पाहून करोनासुद्धा बिना लशीचाच बेशुद्ध पडला असेल. बाजारात काय खपतं याचा अंदाज येणं आणि इतरांना तो अंदाज येण्याआधीच आपली चीजवस्तू विक्रीसाठी बाजारात आणणं यातला फरक माजगावकर नेहमीच कृतीमधून दाखवत असतात. माजगावकरांचे वूहानपर्यंत नेटवर्क आहे की काय असा संभ्रम त्यामुळे अनेकांना पडला. चीनमधील वूहान नामक शहरात करोनाचं पहिलं अस्तित्व दिसल्याच्या सिंगल कॉलम बातम्या वृत्तपत्रांच्या कोपर्‍यात प्रसिद्ध होत होत्या, तेव्हाच माजगावकरांनी डॉ. बोरसे यांना बोलावून घेतलं असणार (साहित्यक्षेत्रातील लोक बोरसेंना वैद्यकीय डॉक्टर समजतात आणि वैद्यकीय क्षेत्रातल्या लोकांना वाटतं की ते साहित्यातले डॉक्टर आहेत.) आणि करोनाच्या... सॉरी... ‘कोरोनाच्या कृष्णछायेत’ जन्माला घालण्याचं ठरलं असणार. या नव्या व्हायरसमुळं जगात ट्रम्प यांच्यापासून ते मोदींपर्यंत आणि झालंच तर थेट आपल्या उद्धवराव ठाकरेंपर्यंत अनेकांना अनेक प्रश्न पडले आहेत. परंतु अवघ्या महाराष्ट्राला गेले सहा महिने या व्हायरससंबंधीच्या एका वेगळ्याच प्रश्नानं दुभंगून टाकलेलं आहे. महाराष्ट्राला पडलेला तो यक्षप्रश्न म्हणजे, ‘क?’ की ‘को?’ हा होय. हल्ली अनेक वृत्तपत्रांत कानामात्रेचाही फरक न होता डिट्टो त्याच त्या बातम्या दिसतात. पण याबाबतीत मात्र काना-मात्रा द्यायचा की कानामात्रेला फाटा द ...
हा लेख पूर्ण वाचायचा आहे? सोपं आहे. एकतर * सभासदत्व !*' घ्या किंवा आपण विद्यमान सभासद असाल तर कृपया लॉगिन करा .
and then add to homescreen
Vijaykumar Bhawari
3 वर्षांपूर्वीमाझे स्वतःचे कोरोनावरील "कोरोना : भयप्रद-भययकंपित इतिहास " नामक पुस्तक प्रसिद्ध झाले असल्याने या लेखाशी पूर्णतः सहमत .. प्रा.विजयकुमार भवारी
4 वर्षांपूर्वीHahaha !!!