fbpx
☏ 91 5225 5235 | 9833 848 849

करोनाकाळ आणि माझी शाळा (भाग दोन)

सध्याच्या करोनाकाळात विद्यार्थ्यांशी ऑनलाईन माध्यमांतून संवाद साधताना, त्यांच्या “बाई, शाळा कधी सुरू होणार?” यांसारख्या प्रश्नांची उत्तरे देताना आपल्यालाही कसं आनंदी राहता येतंय, याबाबत सांगतायत सांताक्रुझ – मुंबई येथील रामेश्वर विद्या मंदिर या शाळेतील शिक्षिका लीना देसाई –

—————————————————————————–

मार्च महिना हा शाळांसाठी उजळणीचा तर एप्रिल महिना हा परीक्षा अन् निकालाचा हे दरवर्षीचं समीकरण! यंदाही १६ मार्चपर्यंत सगळं सुरळीत चालू होतं. मग अचानकच या नियोजनाला कात्री लागली. दि. १६ मार्च पासून शाळा अनिश्चित काळासाठी बंद राहील अशी सूचना आली. कारण जगभरात पसरलेला कोविड – १९ हा घातक विषाणू. याचा संसर्ग आपल्या विद्यार्थ्यांना होऊ नये म्हणून ‘घरीच राहा’ हा खात्रीचा उपाय सरकारने जाहीर केला. आपण सर्वांनी त्याचे पालन सुरू केले ते काही दिवसांनंतर शाळा आणि आपापले व्यवहार पुन्हा सुरू होतील, अशी पक्की खात्री मनात ठेवून.

मुंबईतील सांताक्रुझ येथील रामेश्वर विद्या मंदिर ही आमची शाळा झोपडपट्टी वस्तीत आहे. दाटीवाटीने असलेल्या गल्लीबोळांतून दहा बाय दहाच्या खोलीत राहणारी आमची मुलं आणि त्यांचे पालक सोशल डिस्टंस कसा पाळणार? दोन वेळच्या भुकेला भाकरी मिळण्याची वानवा असे हातावर पोट असणारे आमचे पालक मुलांना सॅनिटायझर कुठून आणून देणार? टाळेबंदी सुरू झाल्यावर असे विचार आम्हा शिक्षकांच्या डोक्यात घोळत होते. आमचे सर्व विद्यार्थी घरात सुरक्षित राहावेत,पण सोबत आनंदातही राहावेत आसं आम्हा शिक्षकांना वाटत होतं, वाटतंय. याआधी व्हॉटसअप गटाच्या माध्यमातून आमचे मुख्याध्यापक, सर्व शिक्षक  आपापल्या विद्यार्थ्यांबरोबर एकमेकांच्या संपर्कात होतेच. आता तर आम्ही टेलिग्राम अॅपद्वारेही मुलांना अभ्यास देण्यासही सुरुवात झाली आहे.

या उपक्रमात आमचे विद्यार्थी एवढा भरभरून प्रतिसाद देत आहेत की सकाळी दहा वाजले की, विद्यार्थी कालच्या अभ्यासाचे फोटो पाठवायला सुरुवात करतात आणि “बाई आजचा अभ्यास काय?” अशी विचारणा करतायत. टाळेबंदीच्या या काळात  झूम अॅपचाही वापर करून संवाद साधला जातोय.

इंग्रजी विषयासाठी शाळेत संभाषण वर्ग घेतले जायचे. त्याचाच आधार घेऊन काही विद्यार्थी आता घरीही इंग्रजी बोलण्याचा सराव करत आहेत, त्याचे व्हिडिओ पाठवत आहेत. तर कुणी कुटुंबासह संगीतमय वातावरणात रमले आहेत, बैठे खेळ खेळत आहेत. कुणी घरातल्या शोभेच्या वस्तूंच्या साहाय्याने वेशभूषा करून दयाघन परमेश्वराचे रूप साकारत आहेत. शिवाय आताची मास्कची गरज ओळखून घरगुती मास्क तयार करण्याचे प्रात्यक्षिकं पाठवत आहेत. या सगळ्या संभाषणातही हळूच “बाई, शाळा कधी सुरू होणार?” हेही विचारत आहेत.

अभ्यासाबरोबर मुलांचे मन रमावे, त्यांनी गुंतून राहावे म्हणून दोन दोन दिवसांनी वेगवेगळ्या  कलाकृतींची प्रात्यक्षिके पाठवून  मुलांकडून  करून घेत आहोत. मुलांना त्यांच्या वेगाने करण्याची मुभा मिळत असल्याने वर्गातल्यापेक्षा घरी राहून केलेल्या या कलाकुसरीच्या गोष्टींना मुलांकडून जास्त चांगला प्रतिसाद मिळत आहे. उदाहरणच दयायचे तर नुकतीच वेशभूषा  स्पर्धा  घेतली. पहिली ते चौथीच्या मुलांनी  घरगुती वस्तूंचा वापर करून अतिशय सुरेख वेशभूषा  साकारल्या. राधा-कृष्ण  बनलेल्या  मुलांनी  सजावटीसाठी मण्यांच्या तोरणाचा वापर केला. कुणी पंतप्रधान  बनून घरी राहण्याचा संदेश दिला. त्यांच्या या कृतीला प्रोत्साहन मिळावं म्हणून मी प्रमाणपत्र तयार करून त्यांना व्हॉट्सअपवरच पाठवलं.

दरवर्षी रामनवमी, हनुमान या जयंतींना मुलं आणि आपणही देवळात जातो. पण यंदा टाळेबंदीमुळे ते शक्यच नव्हतं. मात्र याची उणीव आमच्या शिक्षकांनी ऑनलाईन उपक्रमांच्या माध्यमातून भरून काढली.  आमच्या शिक्षिका साधना गोरूले बाईंनी  गोष्ट, भजन, पाळणा यांचे व्हिडिओ रूपातले सादरीकरण मुलांना ऐकवले. तसेच करोनासंबंधी जनजागृती करण्यासाठीही देखील शिक्षकांनी पालकांना व  विद्यार्थ्याना प्रेरित केले. सुचिता कदम बाईंनी त्यांच्या  वर्गातील वैदेही म्हात्रे या विद्यार्थिनीला मार्गदर्शन करून तिचा या संदर्भातला एक व्हिडिओ बनवला आहे. त्यामध्ये  करोनापासून कसे सुरक्षित  राहावे याचे प्रात्यक्षिकासह मार्गदर्शन केले आहे.

या काळात आपण मोठी माणसं अस्वस्थ आहोत, पण लहान मुलांशी केलेल्या अशा संवादातून आम्हालाही आनंदी राहण्याची प्रेरणा मिळत आहे. अर्थात या साऱ्याचे श्रेय आमचे संस्थाचालक मा. खासदार श्री. विनायक राऊत व शाळेच्या मुख्याध्यापिका श्रीमती मानसी म्हात्रे यांना जाते. कारण प्रतिकूल परिस्थितीवर कशी मात करावी यासाठी त्यांनीच आम्हाला प्रोत्साहित केले.

करोनोत्तर काळ काय असेल हे आज कुणीच सांगू शकत नाही, पण भविष्यात पुढची इयत्ता ऑनलाईन शिकवावी लागली तरी त्यासाठीही आमची तयारी आहे. आणि हा आत्मविश्वास या सुट्टीतल्या संवादानेच आमच्यात निर्माण होऊ शकला आहे. तरीही आमचे विद्यार्थी आम्हाला लवकरात लवकर ऑफलाईन भेटोत हीच प्रबळ इच्छा मनात आहे…

– लीना देसाई

( लेखिका सांताक्रुझ, मुंबई येथील रामेश्वर विद्यामंदिर या शाळेत शिक्षिका आहेत.)

संपर्क – ९८६९२०५७०६

हा लेख वाचण्यासाठी आपल्याला ‘मराठी प्रथम’ नियतकालीकाचे सभासदत्व घ्यावे लागेल. ‘मराठी प्रथम’ सभासदत्वाबाबत अधिक माहिती मिळवण्यासाठी इथे क्लिक करा.

This Post Has 8 Comments

  1. Very nice script of student’s extra curricular activities in lockdown period. Hats of to you man!!!!!keep it up

  2. Mam ,this essay’s presentation and description is very and absolutely amazing and excellent .I will definitely share this essay with other teachers and students which will value their time and improve their educational and knowledgeable skills . I am very sure that you have contributed a lot for the excellence of the children . This will enhance all the students right from primary to secondary and many teachers and will improve their creativity which is hidden in them .tThank you mam for sharing this essay so that children can do such creative activities and things during this period and also during the summer vacation so that they can save their time and also improve themselves . keep it up??? great job??????

  3. Mam, this essay’s presentation and description is absolutely amazing and excellent. This will always encourage all the students right from primary to secondary and also many teachers. I will definately share this essay with many teachers so that I can help other students also to encourage to do such creative things and activities during this coronavirus period and summer vacation so that they can also improve their knowledge and educational skills and will also improve their academic excellence . Thank you mam for doing such a great job which will enhance all the students’ time. Hats off to you .? Keep it up !????

  4. कोरोनाच्या या लाॅकडाऊन कालावधीतील अतिशय सुरेख उपक्रम! !!!!!!

  5. Khup chan mana pasun khup khup shubhecha
    Best of luck madam

  6. लीना देसाई यांनी उपक्रम चांगला राबविला आहे. लेख छान.

  7. धन्यवाद!!! साधना गोरे बाई ??

Leave a Reply

Close Menu