अंटार्क्टिकातील ‘मैत्री’ संशोधन केंद्रातील शास्त्रज्ञांना थंडी-वाऱ्यात काम करावे लागते. शास्त्रज्ञ, आणि त्यांना मदत करणारे लॉजिस्टिक सदस्य खूपच खडतर स्थितीत सातत्याने काम करत असतात; सृष्टीचे नियम पाळूनच त्यांना तिथे काम करावे लागते. मात्र, तेथील स्वर्गीय सौंदर्य अनुभवले की, हा कामाचा शीण बराचसा दूर होतो.
अंटार्क्टिकातील ‘मैत्री’ संशोधन केंद्रात मी लवकरच रुळले. सुमारे वर्षभरासाठी पृथ्वीच्या तळाशी असलेल्या ह्या खंडावर माझं एक अनोखं आयुष्य सुरू झालं. उन्हाळ्याचे दिवस असल्याने, मध्यरात्रीदेखील सूर्य आकाशात तळपत होता. उजेडाचा पुरेपूर उपयोग करून कामांचा सपाटा सुरू होता. सारे सदस्य आपापल्या कामात व्यग्र होते. दर पंधरवड्यातून एकदा सर्व सदस्यांची वैद्यकीय तपासणी केली जाते आणि तब्येतीच्या काही तक्रारी असतील तर त्याचे निवारण केले जाते. उन्हाळ्याच्या दिवसांत फिल्डवर्क खूप असल्याने कुणाला मुका मार लागणे, बर्फावर चालताना पाय घसरून पडणे-झडणे यासाठी उपाययोजना करणे या माझ्या डॉक्टरी कामांमध्ये मीही व्यग्र होते. रोज सकाळी ६.३०ला योगासन वर्ग होत असे. ७.३० वाजता नाश्ता. उन्हाळ्यात विमाने व जहाजं ये-जा करत असल्याने भाज्या व फळांचा पुरवठा केला जातो; परंतु हिवाळ्यात हे शक्य होत नाही. अन्नधान्य, किराणा सामान, लोणचे, मसाला, पापड ह्यांचा मुबलक साठा संशोधन केंद्रात उपलब्ध असतो. गोठलेल्या मांसाहारी पदार्थांचा साठा वर्षभरासाठी केलेला असतो, परंतु शाकाहारी सदस्यांसाठी भाज्या-फळं कायम मिळणे अशक्य होते! हिवाळ्यातील कमी तापमानात कडधान्यांना मोड येणेही कठीण असते. सकाळी नऊ वाजल्यापासून विविध कामांसाठी लॉजिस्टिक व सायंटिस्ट मंडळी क ...
हा लेख पूर्ण वाचायचा आहे? सोपं आहे. एकतर * सभासदत्व !*' घ्या किंवा आपण विद्यमान सभासद असाल तर कृपया लॉगिन करा .
and then add to homescreen